تبلیغات
sa1610 سرزمین عجایب - ایتیگیم (اختای)

سرزمین عجایب

جمعه 23 اردیبهشت 1390

ایتیگیم (اختای)

نویسنده: نازی د   

 

منیم بئله دولانماغیم باخما ، دیسكینمه من دن گل ، نچه ایلدی گوزلرم سنی

من ده گئجه لر آنام سوت گتیرمه سه یاتامارام.

آنام تلریمی دارئییب یولون آچیق اولسون دئمسه ، ایشیم راس گلمز.

منده آیریلیق ماهنیسینا قولاق آساندا گوزلریم دولار.

تایتانیك فیلمینده اوزومی جكین یرینه قویوب داریخارام بیز آیریلمادان اول آیریلیق چكیریق.

گل ، نچه ایلدی گوزلرم سنی

من سنی تاپسام چوخ بویوك دییشیكلیق اولاجاق

لاپ كیچیگی بو كی اوز اوزه اوتوروب ، تانقو دانسی نین آیاق وورماسینا گوره دانیشاجاقیق

سفح له ماقلاریمیزدان دئییب گوله جاقیق

گله جاقداكی اوشاقلاریمیزا آد قویاجاقیق

آدلار اوستونده ساواشاجاقیق

بیلیرم یادیندان چیخماز

بیز نچه ایل اونجه دن رویالاریمیزدا سویشمیشدیق

گلسن یولداشلاریما تای كافی شاپ دا قهوه ایچه ایچه

اللرینی توتوب سیخا سیخا ، گوزلریوه باخا باخا

خاطیره لریمیزی واراقلاریق گل، نچه ایلدی گوزلرم سنی

سن گلسن چوخ زادی اونودارام

آیین ایشیق طرفینه باخارام

كافكا ایله الوداع لاشارام

منده سئورم پائیزدا یارپاقلاری آیاقلاماقی

قیشدا تازا دوشن قارلاری

منده قاننان قورخارام

هی!!!! بیلیرم سنده من اولدوغوم صندل لرده اوتوروب منی آختاراسان

بیلمدن منه فیكیرلشه سن

گئجه لر منی تاپمادان آغلاسان

بیلیرم بیر گون یاخینلاقدا سنی تاپاجاقام

گوز یاشلارین سیله جاقام

بیر قوطو شیرنی آلیب یولداشلاریما پایلییه جاغام. گل، نچه ایلدی گوزلرم سنی

ایستیرم بو قومارخانادا ، قالاشلارین قاباقیندا

ال آچیق پاپالان اوینییم

 

ایستیرم بو شعریمده ساده جه دئیم من سنی عجیبه سئویرم

(اوتوباندا 200 اوستونده گتماق كیمی) من سنی عجیبه سئویرم

اوشاقلیقدا آتامین جیبین دن پول اكن كیمی

نئچه ایلدی ساچلاریمی داراماق ، پالتارلاریمی اوتولَماق

سنی گورماق اوچوندی سن منیم ایتگینلیغیم

تلس، بو گونلر بیزیم گوروشمه میزین واقتیدیر گل، نچه ایلدی گوزلرم سنی

Oxtay

http://oxtay-vatanxah.blogfa.com

آمار وبلاگ

  • کل بازدید :
  • بازدید امروز :
  • بازدید دیروز :
  • بازدید این ماه :
  • بازدید ماه قبل :
  • تعداد نویسندگان :
  • تعداد کل پست ها :
  • آخرین بازدید :
  • آخرین بروز رسانی :